عبر X.. شيرين عبد الوهاب تكشف مواقف الجدعنة من هيفاء وهبي معها

عبر X، كشفت الفنانة شيرين عبد الوهاب، تفاصيل علاقتها بالفنانة اللبنانية هيفاء وهبي التي توقفت عن العمل في مصر مؤخرا حتى انتهت أزمتها.

ونشرت شيرين عبد الوهاب ، صورة للفنانة هيفاء وهبي، وعلقت عليها قائلة:" أنا رديت على النجمة هيفاء وهبي مش عشان باركتلي على الأغاني.. النجمة هيفاء وهبي عملت معايا مواقف جدعة أقرب الناس ليا ما عملتهاش علشان نفسيتي تبقى أحسن".

واستطردت شيرين عن هيفاء وهبي:" كانت بتكلمني يوميا عند الدكتور وكانت عاوزة تاخدني أقعد عندها وتخرجني ومودي يبقى حلو وتدخلني مكان يظبطولي الفيتامينات اللي في جسمي ويخسسوني".

وأوضحت:" هيفا أثبتت إن الصديق الوفي مش لازم هو اللي جنبك ممكن يكون بعيد عنك، من أجدع وأنظف وأكرم الناس اللي شفتها فى الوسط الفني.. هيفا بموقفها ده اشترتني طول عمري وهفضل لحد ما أموت ممتنة ليها ولوقفتها معايا في الوقت ده.. الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستنى إني ليا أخت فعلا شكرا يا هيفا يا حبيبتي.. وياريت ياريت فى مصر لو في مشاكل انا بناشد أي حد ان الست دى طيبة جدا جدا متستاهلش إلا كل خير".